Qüdsdə bir neçə fələstinli həbs edilib
-
Qüdsdə bir neçə fələstinli həbs edilib
Sionist rejim hərbçiləri işğal olunmuş Qüds şəhərinin müxtəlif ərazilərində bir neçə fələstinlini həbs ediblər.
İRİB-nin verdiyi məlumata görə, sionist rejim hərbçiləri bu gün Qüds şəhərinin qədim hissəsində 3 və cənub şərqində Əbu-Dis qəsəbəsində 1 fələstinlini həbs ediblər.
Sionistlər Məscidül-Əqsanın giriş qapılarında olan Babül-Nazirin yaxınlığında da 1 fələstinlini eləcə də məscidin gözətçilərindən olan Həmzə Əşşərbatini həbs ediblər.
Fələstinin rəsmi informasiya agentliyi bildirib ki, sionist hərbçilər Cəninin qərbində Əl-Ləyamun qəsəbəsində də 2 fələstinli gənci saxlayıblar.
Sionist hərbçilər həmçinin Cenin şəhərinin müxtəlif hissələrində yeni yoxlama buraxılış məntəqələri yaradıblar.
Sionistlər öz ekspansionist məqsədləri istiqamətində Fələstinin müxtəlif ərazilərinə hücum edir və fələstinliləri həbs edirlər.
Fələstinin Əzzəmir insan haqları qrupunun statistikalarına görə, 7 min fələstinli sionist rejim həbsxanalarında ən acınacaqlı şəraitdə saxlanılırlar.
