Yəmən silahlı qüvvələrinin sözçüsü Ərəbistanın Əbha beynəlxalq hava limanına qarşı üçüncü ardıcıl PUA əməliyyatından xəbər verib.

SəhərAzəri xəbər verir, Yəhya Əlsərii bu gün bildirib ki, Ərəbistanın Əbha beynəlxalq hava limanındakı həssas və hərbi nöqtələr «Qasif K2» PUA-sı ilə üçüncü gün dalbadal hədəfə alınıblar.

Yəmən silahlı qüvvələri sözçüsünün dediyinə görə, PUA hücumu Yəmənin mühasirəsi, həmçinin səud təcavüzkarlarının cinayətləri və təcavüzlərinin şiddətlənməsinə cavab olaraq, həyata keçirilir.

Yəmənin ordusu və xalq komitələrinin PUA bölməsi dünən səhər də «Səmad-3» tipli bir neçə pilotsuz uçan aparatla Əbha hava limanını hədəfə aldı.

Əbha hava limanı səud koalisiyasının Yəmənə qarşı hücumlarında istifadə edilən qırıcılara yanacaqdoldurma və xidmət məkanıdır.