Sionist hərbçilər Nablosda fələstinlilərə hücum edib
-
Sionist hərbçilər Nablosda fələstinlilərə hücum edib
Sionist hərbçilərin Nablosun şimalında fələstinlilərə hücumunda bir qrup fələstinli yaralanıb və zəhərli qazlardan istifadə olunması nəticəsində zəhərlənib.
İRİB-in məlumatına görə, Nablosun şimalında Sibsitiyə qəsəbəsində Fəth hərəkatının rəsilərindən Məhəmməd Azim deyib: Çərşənbə axşamı gecə sionist hərbçilərin bu qəsəbə əhalisi əleyhinə istifadə etdiyi hərbi və rezin güllələr nəticəsində azı bir fələstinli gənc yaralanıb.
O əlavə edib: Bu hücumda həmçinin bir neçə nəfər zəhərli qazlardan istifadə olunduğuna görə zəhərlənib.
Sionist hərbçilər Cenin şəhərinin cənubunda Qəbatiyyə şəhərciyində bir fələstinlini həbs ediblər.
Yerli dairələrin bildirdiyinə görə, İsrail rejimi hərbçiləri Qəbatiyyəyə basqın və mənzillərdə axtarış edərək bir fələstinlini oğurlayıblar.
Bu arada Əl-Hədəs Newsun məlumatına görə, işğalçı rejim ordusunun buldozerləri ötən gün Qüdsdə əl-Mükəbbir kəndində fələstinli şəhid Fadi Qənbərin mənzilini dağıdıblar.
