SAHAR

İki həftə öncə Qərb Sahilində, Ramallah şəhərinin şimalında sionist hərbçilərin hücumuna məruz qalan fələstinli bir gənc aldığı yaraların ağırlığı üzündən həyatını itirib.

Fələstin informasiya mərkəzinin verdiyi məlumata görə, Fələstinin Səhiyyə Nazirliyi bazar ertəsi günü bildirib: 17 yaşlı fələstinli gənc Casim Nəxlə 2 həftə öncə İsrail hərbçilərinin onun idarə etdiyi avtomobilə atəş açması nəticəsində aldığı yaraların ağırlığı üzündən həyatını itirib. 

İki həftə öncə İsrail hərbçilərinin Cəlzun düşərgəsinin yaxınlığında Casim Nəxlənin idarə etdiyi avtomobilə tərəf atəş açması nəticəsində Məhəmməd Xəttab adlı bir fələstinli gənc də şəhid olmuşdu. Bu hadisədə bir neçə fələstinli də xəsarət almışdı. 

2017-ci ilin fevralında fələstinlilərin anti-sionist əməliyyatları zamanı 27 sionist yaralanıb. Həmçinin, fələstinlilər və sionistlər arasında 276 toqquşma halı qeydə alınıb. 

Casim Nəxlənin şəhid olması ilə Qüds İntifazəsi dönəmində şəhid olan fələstinlilərin sayı 300-ə çatıb.