SAHAR

İsrail hərbçiləri Əl-Xəlil şəhərində fələstinli aksiya iştirakçılarına hücum ediblər.

Fələstin informasiya mərkəzinin bildirdiyinə görə, Əl-Xəlil sakinləri cümə günü Həzrət İbrahim(ə) hərəmində fələstinlilərin qırğın edilməsinin 25-ci ildönümü münasibətilə aksiya keçiriblər.

Aksiya iştirakçıları əllərində Fələstin bayrağı daşıyaraq, İsrailin işğalçılığı və cinayətlərinin durdurulmasını istəyiblər.

25 fevral 1994-cü ildə cinayətkar sionist qəsəbə sakini Barux Goldeştayn fələstinlilərin Həzrət İbrahim(ə) hərəmində namaz qılmaqla məşğul olduqları zaman, onları atəşə tutmuşdu. Bu qanlı cinayət nəticəsində 29 fələstinli şəhid olmuş, 150 nəfər də xəsarət almışdı.

İsrail başçıları bu qırğının ardınca İbrahim(ə) hərəmini müsəlmanlar və sionistlər arasında bölüşdürdülər.