Livan Hizbullahı sionist rejimin mövqelərini darmadağın edib
Livanın İslami Müqavimət Hərəkatı Hizbullah Qəzzə xalqı ilə həmrəylik və Fələstin müqavimətinə dəstək olaraq,sionist rejimin hərbi mövqelərinə qarşı bir neçə hücum həyata keçirdiyini bildirib.
Livan Hizbullahı çərşənbə günü verdiyi açıqlamada, səhər saat 8-35-də müvafiq silahlardan istifadə edərək, Əl-Mutlə bazasında sionist rejimin casusluq və müçahidə avadanlıqlarını hədəfə aldığını açıqlayıb.
Hizbullah daha sonra bildirib ki, səhər saat 10:10-da Livanın işğal olunmuş Tərbixə kəndi yaxınlığındakı Harş Əl-Şətula bölgəsində İsrail əsgərlərinin toplaşdığı yerə raket zərbələri endirib.
Bundan əlavə, Livanın İslami Müqaviməti səhər saat 10:50-də sionist rejimin Əl-Bağdadi bazasını raketlərlə hədəfə alıb.
Hizbullah, həmçinin saat 11:40-da Livanın işğal altındakı Şəbaa tarlalarında Zəbdin kazarmasına da raket zərbəsi endirib.
Hizbullahın bu zərbələri səhər saatlarında İsrailin Livanın cənubundakı Bərəşit şəhərinə hücumundan sonra həyata keçirilib.
Bundan əvvəl sionist rejim mediası işğal olunmuş Fələstinin şimalında yerləşən Meron qəsəbəsinə onlarla raket atıldığını xəbər vermişdilər.
