Yəmən: Nevatim aviabazasını hipersəs raketlə vurduq
Yəmən Silahlı Qüvvələrinin sözçüsü briqada generalı Yəhya Səri bildirib ki, Yəmən Silahlı Qüvvələri İsrail rejiminin Nevatim bazasını hipersəs ballistik raketlə vurmağa nail olub.
Briqada generalı Yəhya Səri vurğulayıb ki, Yəmən Silahlı Qüvvələri unikal bir əməliyyatda işğal olunmuş Fələstin ərazilərinin cənubunda yerləşən Nevatim hərbi hava bazasını hipersəs ballistic raketlə hədəfə alıb.
Səri əməliyyatın "Felestin-2" hipersəs ballistik raketindən istifadə edilərək həyata keçirildiyini və raketin hədəfi uğurla vurduğunu bildirib.
Yəmən Silahlı Qüvvələrinin sözçüsü həmçinin əlavə edib ki, Yəmənin hava hücumundan müdafiə sistemləri ABŞ-ın MQ-9 pilotsuz təyyarəsini Əl-Cövf əyaləti səmasında düşmənçilik hərəkətləri həyata keçirərkən izləyə və vura biliblər.
Səri qeyd edib ki, Yəmən silahlı qüvvələri düşmənə qarşı dəniz blokadasını davam etdirmək və ona qarşı hərbi əməliyyatlar vasitəsilə Fələstin və Livan xalqına dəstəyini davam etdirəcək.
O vurğulayıb ki, Yəmən silahlı qüvvələrinin əməliyyatı düşmənin təcavüzü dayandırılana və Qəzzə zolağının mühasirəsi və Livana qarşı təcavüz dayandırılana qədər davam edəcək.
