Türkiyədə pandemiya qurbanlarının sayı 5,3 min nəfəri ötüb
İyul 11, 2020 20:54 Asia/Baku
Türkiyədə son gündə koronavirusdan 21 nəfər ölüb.
SəhərAzəri Report-a istinadla xəbər verir ki, bu barədə Səhiyyə naziri Fahrettin Koca bildirib.
Nazir qeyd edib ki, bununla da ölkədə pandemiya qurbanlarının sayı 5 344 nəfərə çatıb.
Son sutkada qonşu ölkədə COVID-19-a 1 016 yoluxma qeydə alınıb. Hazırda Türkiyədə koronavirusa yoluxma hallarının sayı 211 981-dir.
Bu gün 1 344 pasiyent sağalaraq evə buraxılıb. Bununla da Türkiyədə koronavirusdan sağalan pasiyentlərin sayı 193 217 nəfərə çatıb.
