SAHAR

Cənubi Afrika Respublikası prezidenti Yakob Zumanı Tehran səfərində iş adamları və sənaye sahiblərindən 180 nəfər müşayiət edir.

İran prezidenti Həsən Ruhani Tehranın Sədabad sarayında afrikalı həmkarını rəsmən qarşılayıb.

Terrorizmlə mübarizə də iki prezidentin 70 dəqiqəlik görüşündə araşdırılıb. İki ölkə əlaqələrində yeni səhifənin açılması istiqamətində əməkdaşlıq və anlaşmaların araşdırılması prezidentlərin müştərək iclasında baş tutub.

Bu görüşdə 8 əməkdaşlıq sənədi imzalanıb. Bu sənədlər, kənd təsərrüfatı, müştərək investisiya üzrə işçi qrupunun təşkili, sənaye, mədən, mədəniyyət, incəsənət sahələri, su ehtiyatlarının idarə olunması üzrə əməkdaşlıq, eləcə də çirkli pulların yuyulması və terrorizmlə mübarizə sahəsində informasiya mübadiləsinə şamil olur.

Ruhani deyib: İran və Cənubi Afrika Respublikası arasında bank əlaqələrinin genişlənməsi iki ölkə əlaqələrinin irəliləməsinə şərait yarada bilər.

O həmçinin iki ölkənin mədən sənayesi, enerji və texniki və mühəndislik fəaliyyətləri sahəsində İranın Cənubi Afrika Respublikasında fəaliyyət göstərə biləcəyini deyib.

Yakub Zuma isə bildirib: Məni böyük iqtisadi heyət müşayiət edir və müsbət və konstruktiv müzakirələrimiz oldu. Arxayınam ki, bu gün iki ölkə əlaqələrinin genişlənməsi üçün möhkəm əsasları qoyduq.

Cənubi Afrika Respublikası İrandan neft idxalını yenidən bərpa etmək ardıncadır.

İran əvvəllər Cənubi Afrika Respublikasının 40 neftini təmin edirdi.