İyul 06, 2020 14:22 Asia/Baku
  • 32 ölkənin alimlərindən ÜST-ə MÜRACİƏT - Virus bu yolla da ötürülə bilər

32 ölkədən 240-a yaxın alim Ümumdünya Səhiyyə Təşkilatından infeksiyanın havadakı ən kiçik hissəciklər vasitəsi ilə ötürülməsinin koronavirusun yayılmasında əhəmiyyətli amil olduğunu qəbul etmələrini xahiş edib.

SəhərAzəri Publik.az-a istinadla xəbər verir, ÜST hesab edir ki, koronavirus ilk növbədə yoluxmuş insanın tənəffüs yollarından, həmçinin öskürək və ünsiyyət yolu ilə havaya atılan böyük damcılar vasitəsilə yayılır. Bu şəkildə virus səthə nüfuz edir. Lakin 239 alimin fikrincə, dəlillər virusun qapalı havada olan ən kiçik hissəciklər vasitəsi ilə yayıla biləcəyini göstərir.

Ümumdünya Səhiyyə Təşkilatının (ÜST) dünənə olan məlumatına görə, dünyada koronavirus infeksiyasına yoluxmaların sayı 11 milyonu keçib, 528 mindən çox insan xəstəliyin qurbanı olub.

Teqlər

Şərhlər