İranın neft nazirinin beynəlxalq və ticarət məsələləri üzrə müavini İslam Respublikasının xarici investisiyaların cəlb olunması üzrə potensiallarından xəbər verib.

İran neft nazirinin beynəlxalq və ticarət məsələləri üzrə müavini Əmir Hüseyn Zamaniniya CNN telekanalı ilə müsahibədə deyib: İran öz neft istehsalını sanksiyalardan öncəki dövrdəki səviyyəyə çatdırmaq niyyətindədir.

Zamaniniya İranın neft sənayesi və bazarının çox cazibəli olduğunu bildirərək əlavə edib: İranda neftin istehsal xərci az və mühəndislik mövqeyi çox yaxşıdır və İran universitetlərindən yüksək səviyyəli mühəndislər yetişmişlər.

İranın neft nazirinin müavini bildirib: İslam Respublikası regionda yüksək səviyyədə insan resursu və ildə minium 40-45 milyard dollar xarici investisiya cəlb etmək imkanına malikdir.