SAHAR

İran İslam Respublikası silahlı qüvvələrinin "Məhəmməd Rəsulallah(s.ə.s)-5" manevri, manevrdə iştirak edən hərbi gəmilərin və qırıcı təyyarələrin qüdrət nümayişi ilə başa çatıb.

İRİB-nin verdiyi məlumata görə, İran İslam Respublikası ordusunun baş komandanı general-polkovnik Seyid Əbdürrəhim Musəvi çərşənbə günü "Məhəmməd Rəsulallah(s.ə.s)-5" manevrinin sonunda deyib: Silahlı qüvvələr arasında yüksək ahəngdarlığın olması və düşmənin istənilən təhdidləri qarşısında çevik reaksiya bu manevrin mühüm nailiyyətlərindən olub.

General Musəvi manevrə nəzarət edən müşahidəçilərin manevrin  yüksək səviyyədə təşkil edildiyini təsdiq etmələrinə işarə edib və deyib: Bu manevrdə quru, hava və dəniz qüvvələrinin fərdi və taktiki bacarıqları dəyərləndirilib.

İran İslam Respublikası silahlı qüvvələrinin "Məhəmməd Rəsulallah(s.ə.s)-5" manevri bazar ertəsi günü "Ya Rəsulallah" rəmzi və İran İslam Respublikası ordusunun baş komandan müavini Həbibullah Səyyarinin "Fəlaxin" gəmisinin göyərtəsindən verdiyi fərman ilə İranın cənub sularında start götürmüşdü.