İran Xarici İşlər Nazirliyinin sözçüsü İslam Respublikasının Almaniyanın Bonn şəhərindəki sabiq səfirliyi binasının fürsətdən sui-istifadə edən şəxslərdən təmizləndiyini bildirib.

İran XİN sözçüsü Bəhram Qasimi deyib: Həyata keçirilən tədbirlər və Almaniya polisinin əməkdaşlığı ilə son günlərdə qeyri-qanuni şəkildə İranın Bonn şəhərindəki sabiq səfirliyinin binasında yerləşmiş şəxslər çıxarılmış və bu bina İran İslam Respublikasının Frankfurtdakı baş konsulluğuna təhvil verilmişdir. 

İran XİN sözçüsünün dediyinə görə, fürsətdən sui-istifadə edən dörd nəfər İranın sabiq binasının son illərdə boş olmasından istifadə edərək bir neçə gün icazə olmadan qeyri-qanuni şəkildə orada yerləşmişdi.