SAHAR

İslam İnqilabının Böyük Rəhbəri dünən gecə bir müraciətdə İran İslam Respublikasının sərbəst güləş komandasının fəxr gətirən güləşçilərinə təşəkkür ediblər.

SəhərAzəri-nin məlumatına əsasən,  İran İslam Respublikası pəhləvanlarının srağagün və dünən gecə sərbəst güləş üzrə dünya çempionatı yarışlarındakı iftixarları və qızıl və gümüş medallar əldə etmələrinin ardınca İslam İnqilabının Böyük Rəhbəri bir müraciətdə onlara minnətdarlıq ediblər.

İran İslam Respublikası Norveçdə keçirilən sərbəst güləş üzrə dünya çempionatı yarışlarında Həsən Yəzdani və Əmir Hüseyn Zare tərəfindən iki qızıl, Əmir Məhəmməd Yəzdani, Məhəmməd Noxudi və Əlirza Sərlək tərəfindən isə üç gümüş medal əldə etməyə müvəffəq olub.

Şənbə günündən başlanan sərbəst güləş üzrə dünya çempionatı bu gün üstün komanda və fərdlərin məlum olması ilə başa çatacaq.