İran və Rusiyanın xarici işlər nazirləri Vyana danışıqlarının 8-ci raundunun başlanması ilə eyni zamanda Əhatəli Müştərək Təşəbbüs Proqramının düzgün icrasına çağırıblar.

SəhərAzəri-nin məlumatına əsasən, Hüseyn Əmir Abdullahian və  Sergey Lavrov baş tutan telefon danışığında Əhatəli Müştərək Təşəbbüs Proqramının ilk gündə olduğu kimi yenidən canlandırılmasını vurğulayıblar.

Məlumata əsasən, tərəflər İranın nüvə proqramı üzrə Əhatəli Müştərək Təşəbbüs Proqramı ətrafındakı vəziyyəti və Vyana görüşlərini müzakirə ediblər.

Əmir Abdullahian və Lavrov, həmçinin prezident Seyid İbrahim Rəisinin Moskvaya uğurlu səfərinin nəticələri barədə fikir mübadiləsi aparıblar və iki ölkə başçısı arasında əldə olunmuş razılaşmalar çərçivəsində qarşılıqlı əlaqələrin daha da inkişaf etdirilməsinin vacibliyi vurğulayıblar.