Heyvanlarla rəhmsiz rəftar edənə cərimələr təyin edilib
Azərbaycan Respublikasının Milli Məclisi heyvanlarla rəhmsiz rəftar edilməsinə görə cərimələrin artırılmasını son oxunuşda təsdiqləyib.
İnzibati Xətalar Məcəlləsinə təklif edilən dəyişikliyə görə,
- heyvanlarla rəhmsiz rəftar edilməsinə, yəni onlara ağrı, əzab, işgəncə verilməsinə, onların döyülməsinə və ya döyüşdürülməsinə görə 500 - 800 manatadək məbləğdə cərimə ediləcək.
- bu əməllər mediada nümayiş etdirilməklə törədildikdə – 800- 1 000 manatadək məbləğdə cərimə ediləcək.
- Bu əməllər heyvanın şikəst edilməsinə səbəb olduqda 1000 - 1500 manatadək məbləğdə cərimə ediləcək.
- Eyni əməllər heyvanların tələf edilməsinə səbəb olduqda 1500-2000 manatadək törədənin şəxsiyyəti nəzərə alınmaqla, bir ayadək müddətə inzibati həbs tətbiq olunacaq.
- heyvanlarla rəhmsiz rəftarın təbliğ edilməsinə görə 1 000 - 1 500 manatadək məbləğdə cərimə ediləcək, bir ayadək müddətə inzibati həbs tətbiq olunacaq.
