SAHAR

Pakistanın müxtəlif məntəqələrində yağan mövsüm yağışları nəticəsində yaranan sel və daşqınlar 40 nəfərin həyatına son qoyub.

İRİB-nin verdiyi məlumata görə, ötən iki həftə ərzində yağan mövsüm yağışları Pakistanın müxtəlif məntəqələri o cümlədən Pəncab və Sind vilayətlərində 40 nəfərin ölümünə yol açıb. Aramsız yağan yağışlar yüzlərlə evin uçması və onlarla insanın  yaralanmasına da səbəb olub. 

Ən çox insan tələfatının Qujranvala, Feysəlabad və Şeyx Burə  məntəqələrinə aid olduğu bildirilir. 

Hər il Pakistanda mövsüm yağışları nəticəsində yüzlərlə insan həyatını itirir.