Taliban Tacikistan prezidentinə xəbərdarlıq etdi
"Əfqanıstanın daxili işlərinə qarışmayın!"
Taliban hərəkatının siyasi ofisinin rəhbəri, Əfqanıstan hökuməti başçısının müavini vəzifəsini icra edən Əbdül-Qəni Bəradər Tacikistanı ölkənin daxili işlərinə qarışmaqda günahlandırıb.
SəhərAzəri-nin məlumatına əsasən, bu barədə o, "əl-Cəzirə" telekanalına müsahibəsində bildirib.
Əbdül Qani Bəradər bildirib ki, hər bir hərəkətə reaksiya və cavab var.
Qeyd edək ki, bundan öncə Tacikistan prezidenti İmaməli Rəhman Əfqanıstanda inkluziv hökumətin qurulmasının vacibliyini vurğulayıb. Bundan sonra Taliban hərəkatı Tacikistanla həmsərhəd olan Təxar əyalətində on minlərlə xüsusi təyinatlı qüvvənin yerləşdiriləcəyini bildirib. Bu addımı hərəkat milli təhlükəsizliyə təhdidləri və digər potensial təhdidləri aradan qaldırmaq istəyi ilə əsaslandırıb.
