Venesuelanın xarici işlər naziri ABŞ prezidentinin BMT Baş Assambleyasında ölkəsinə qarşı səsləndirdiyi fikirləri kəskin formada qınayıb və deyib: Donald Tramp bu çıxışı ilə Venesuelaya müharibə elan etmiş olub.

Xorxe Arreza bazar ertəsi günü BMT Baş Assambleyasında çıxışı zamanı Trampın davamlı olaraq Venesuelanı təhdid etdiyini deyərək, Karakasın bu düşmənçiliklərə uyğun cavab verəcəyini bildirib. 

Tramp BMT Baş Assambleyasında etdiyi çıxışında qeyri-diplomatik bir davranış sərgiləyərək, Venesuela hökumətini diktatura adlandırıb və Karakası korrupsiya və səbatsızlıq yaratmaqda ittiham edib. Trampın bu çıxışı bir çox ölkə tərəfindən kəskin formada tənqid edildi. 

Tramp həmçinin, 25 avqustda Venesuelaya qarşı yeni sanksiyalar tətbiq edib.