Yunanıstan paytaxtı Afinada bomba partlayışı nəticəsində 2 nəfər yaralanıb.

Röytersin verdiyi məlumata görə, Afinanın Sent Denis kilsəsi qarşısında dünən törədilən partlayışda bir polis əməkdaşı da daxil iki nəfər yaralanıb. 

Yunanıstanın dövlət televiziyasının verdiyi məlumata görə, xəsarət alanlar xəstəxanaya köçürülüblər. Polis ərazini mühasirəyə alıb. 

Polis rəsmiləri bildiriblər ki, partlayışdan öncə telefon vasitəsi ilə xəbərdarlıq daxil olub. 

Hələlik bu partlayışın məsuliyyətini kimsə öz üzərinə götürməyib.