SAHAR

ABŞ-da demokratların dövlət başçısı postuna namizədi Co Bayden hazırkı prezident Donald Trampın Rusiya ilə “Taliban” arasında sövdələşmə mövzusunu müzakirə etməməsinin səbəbini açıqlayıb.

 SəhərAzəri Report-a istinadən xəbər verir ki, siyasətçinin fikrincə, Amerika lideri Rusiya prezidenti Vladimir Putindən qorxur.

Bayden, 31 oktyabrda Miçiqanda keçirdiyi nümayişdə yenidən Əfqanıstandakı Amerika hərbçilərinə qarşı Moskva ilə “Taliban”ın əlbir olması ilə bağlı irəli sürülən iddiaları xatırlayıb:

“Əfqanıstanda xidmət edən amerikalı əsgərlərin öldürülməsi üçün mükafat verilir və Tramp ona (Vladimir Putin ) qarşı çıxmaqdan çox qorxur. Onunla altı dəfə danışıb və heç bu barədə məsələni qaldırmayıb”, - deyə C.Bayden qeyd edib.