Nigeriyada terrorçular 70 fermeri öldürüb
28 noyabrda Nigeriyanın şimal-şərqində “Boko Haram” radikal qruplaşmasının üzvlərinin hücumu nəticəsində 70 fermer öldürülüb.
SəhərAzəri xəbər verir, bu barədə “France-Press” agentliyi məlumat yayıb.
"Ötən şənbə günü 43 həlak olmuş haqqında məlumatlar daxil oldu, ancaq hadisə yerinə gedəndən sonra aydın oldu ki, 70 insan öldürülüb", - Borno ştatının qubernatoru Babaqanan Umar Zulum bildirib. O, bazar günü düyü sahələrinin yerləşdiyi və fermerlərin qətlə yetirildiyi Zabarmari kəndinə gedib.
Qeyd edək ki, "Boko xaram" qruplaşması 2002-ci ildə Nigeriyanın şimalında yaranıb. O, Afrikanın bu ölkəsində hakimiyyəti ələ keçirməyi qarşısına məqsəd qoyub. Qruplaşma 2009-cu ildən aktiv terror hərəkətlərinə başlayıb.
Agentlik eyni zamanda BMT-yə istinadən öldürülənlərin sayının azı 110 nəfər olduğunu vurğulayıb.
"Silahlı şəxslər motosikletlərlə əkin sahələrinə gəliblər və azı 110 nəfəri öldürüblər", - deyə BMT-nin Nigeriyadakı humanitar məsələlər üzrə koordinatoru Edvard Kallon bildirib. Onun sözlərinə görə, xeyli sayda yaralı var.
