Rusiya 20-dən çox alman diplomatını bu ölkədən çıxarır
Rusiya Xarici İşlər Nazirliyi bildirib ki, Moskva Almaniyanın oxşar qərarına cavab olaraq, 20-dən çox alman diplomatını ölkədən qovmaq niyyətindədir.
SəhərAzəri-nin məlumatına görə, Rusiya Xarici İşlər Nazirliyinin sözçüsü Mariya Zaxarova bildirib ki, Moskva, Berlinin Rusiyanın Almaniyadakı diplomatik nümayəndəliklərinin əməkdaşlarını kütləvi şəkildə qovmasına qarşılıqlı cavab olaraq, 20-dən çox alman diplomatını ölkədən çıxarmaq qərarına gəlib.
Rusiya Xarici İşlər Nazirliyinin bəyanatında deyilir: "Biz Berlinin Rusiya-Almaniya münasibətlərinin bütün spektrlərini açıq şəkildə məhv etməyə davam edən bu hərəkətlərini qətiyyətlə pisləyirik".
Ukraynada müharibə başlayandan Moskva ilə Berlin arasında gərginlik artıb.Ötən ilin aprelində Almaniya hökuməti 40-a yaxın rusiyalı diplomatı arzuolunmaz şəxs elan edərək, ölkədən çıxarıb. Bu rəqəm Almaniyanın Rusiyadakı diplomatik təşkilatları əməkdaşlarının üçdə birinə bərabər idi.
Rusiyanın bu hərəkəti, öz növbəsində, 2022-ci il aprelin əvvəlində Almaniya hakimiyyətinin "arzuolunmaz şəxslər" adlandırdığı və bu ölkədə "casusluq"da ittiham etdiyi Rusiyanın Berlindəki səfirliyinin 40 əməkdaşının ölkədən çıxarılmasına cavab idi.
