ABŞ Fələstinlə bağlı fitnəsində israrlıdır
Tramp: Qəzzəni ələ keçirməyə hazırlaşırıq: fələstinlilər qovulacaq
Amerika prezidenti Qəzzə zolağını ələ keçirməyə hazırlaşdığını və fələstinliləri öz doğma torpaqlarından qovmaq niyyətində olduğunu açıqlayıb.
Donald Tramp İordaniya kralı II Abdullah ilə görüşdən sonra jurnalistlərə deyib: “Biz heç nə satın almağa hazırlaşmırıq. Biz bunu əldə edəcəyik”.
Tramp sonra fələstinlilərin Qəzzə zolağına geri qayıtmaq hüququ olmadan qonşu ölkələrə qovulmasını təklif edib.
Bu arada ABŞ rəhbərinin digər bir sərsəm bəyanatına və təhdidinə cavab olaraq Fələstin İslami Müqavimət Hərəkatı HƏMAS bildirib ki, sionist rejim anklavda atəşkəs razılaşmasının şərtlərinə əməl etməsə, HƏMAS Qəzzə zolağında qalan girovları azad etməyəcək. Ona görə də təhdid dili vəziyyəti çətinləşdirir və yersizdir.
Qeyd edək ki, D.Tramp fevralın 15-ə qədər HƏMAS-ın girovları azad etməyəcəyi təqdirdə “qiyamət qopacağını” bildirərək, atəşkəsin pozulacağını vurğulamışdı.
