SAHAR

Zaxarova: Bakı və Moskva arasında gərginlik yaratmaq cəhdləri var

Rusiya Xarici İşlər Nazirliyinin rəsmisi Mariya Zaxarova bəyan edib ki, AZAL-ın təyyarəsinin qəzaya uğraması ilə bağlı Rusiya və Azərbaycan arasında münasibətlərə xələl gətirmək cəhdləri uğursuzluğa məhkumdur.Zaxarova deyib: “Çoxları bu işdə bir növ şans yaxalamaq istəyir, amma alınmayacaq, çünki xalqlar arasında, belə ümumi tarixə, belə bir məsuliyyət zonasına, o cümlədən regional və bu cür inkişaf perspektivlərinə malik ölkələr arasında nifaq salmaq cəhdləri uğursuzluğa məhkumdur”.Onun sözlrinə görə, Moskva Bakı ilə münasibətlərdə belə problemli məsələləri konstruktiv şəkildə həll etməyə hazırdır.Xatırladaq ki, son günlər Rusiya tərəfinə Azərbaycan ərazisində “Rus evi”nin fəaliyyətinə xitam verilməsi barədə rəsmi bildiriş göndərib.Azərbaycandakı anti-Rusiya dalğası fonunda rus ekspertlər düşünürlər ki, Rusiya ilə Azərbaycan arasında münasibətlər müttəfiqlər səviyyəsinə çatıb. Buna həm də Rusiya Federasiyasının prezidentinin 2024-cü ilin avqust ayının 18-19-da Bakıya dövlət səfəri öz töhfəsini verdi. Ümumiyyətlə, Rusiya-Azərbaycan əməkdaşlığı geniş spektri əhatə edir, siyasi, kommersiya və iqtisadi, humanitar və hərbi sahələri daxil edir. Rusiya-Azərbaycan münasibətlərinin möhkəmləndirilməsinə Rusiya prezidenti Vladimir Putin və Azərbaycan prezidenti İlham Əliyev arasında 2022-ci ilin fevral ayında Kremldə imzalanan 43 bənddən ibarət müttəfiqlik əməkdaşlığı barədə bəyannaməsi də töhfə verib. Lakin iki ölkə arasında dövlət səviyyəsində belə sıx əməkdaşlığa paralel olaraq, Azərbaycan cəmiyyətində zaman-zaman əhval-ruhiyyələr əks istiqamətdə dəyişir.Rus ekspertlər qeyd edirlər ki, Azərbaycan mediyasının rusafob mövqeyi var. 2022-ci ildə Azərbaycan mətbuatında olan anti-Rusiya əhval-ruhiyyəsinə Azərbaycandakı Rusiya səfiri istinad edib. Bakıda keçirilən mətbuat konfransında Boçarnikov bildirib: “Azərbaycan hakimiyyətinin diqqətini dəfələrlə yerli mediada hökm sürən anti-Rusiya isteriyasına cəlb etməyə məcbur olduq”.