BMT: Ukraynada stabil və ədalətli sülh istəyirik
BMT sözçüsü müxbirlərə deyibdir ki, BMT Ukraynada stabil və ədalətli sülh istəyir.
Stefan Düjarrik əlavə edib: Həmişə istədiyimiz məsələ, bu döyüşlərə son qoymaq, bütün beynəlxalq qanunlar və qətnamələrlə uyuşan ədalətli və stabil sülhdür.
Rusiya və Amerika prezidentləri Vladimir Putin və Donald Tramp, fevralın on ikisi gecə, bir telefon əlaqəsində/ görüş keçirmək barədə razılaşdılar.
Rusiyanın xarici işlər naziri və ABŞ-ın dövlət katibi də fevralın on beşində bir telefon əlaqəsində ikitərəfli məsələlər, həmçinin Ukrayna və Fələstin münaqişələrinin həll edilməsi üzrə əməkdaşlığa təkid etdilər.
Bu təmasların ardınca Rusiyanın xarici işlər naziri və ABŞ-ın dövlət katibinin başçılıq etdikləri iki ölkənin nümayəndə heyətləri fevralın on səkkizində Ərriyad şəhərində təqribən dörd saat yarım müddətinə bir-birilərilə söhbət etdilər.
Rusiya tərəfindən xarici işlər naziri Sergey Lavrov və bu ölkə prezidentinin köməkçisi Yuri Uşakov, Amerika tərəfindən isə dövlət katibi Marko Rubio, Ağ Ev-in milli təhlükəsizlik müşaviri Mayk Uolts və Amerikanın Yaxın Şərq məsələləri üzrə xüsusi nümayəndəsi Stiv Uitkoff Ərəbistanın paytaxtı Ərriyadın ev sahibliyi ilə keçirilən müzakirələrdə iştirak ediblər.
Belə bir halda, Rusiya xarici işlər naziri Sergey Lavrov bildirdi ki, bu ölkənin və Amerika Birləşmiş Ştatlarının nümayəndələri fevralın 27-də İstanbulda iki ölkə səfirliklərinin fəaliyyətlərinin normallaşdırılması barədə söhbət edəcəklər.
