Bakı idman kompleksində İran komandası daxil olmaqla altı ölkənin idmançılarının iştirakı ilə azyaşlılar və yeniyetmələrin stolüstü tennis üzrə beynəlxalq yarışları keçirilir.

Dünən axşam başlanmış bu yarışlarda İran İslam Respublikası, Azərbaycan Respublikası, Gürcüstan, Türkiyə, Rusiya və Litvadan olan səksəndən çox idmançı azyaşlılar və yeniyetmələr üzrə iki yaş qrupunda rəqabət aparır.

Tehran vilayətindən olan Pərham Əşrəfi və Qərbi Azərbaycan vilayətindən olan Elina Rəhimi İranın stolüstü tennis üzrə yeniyetmələr qrupunu təşkil edirlər. Həmçinin Kürdüstan vilayətindən olan Sameran Kərimi və Tehran vilayətindən olan Niliya Nəqibi azyaşlılar qrupunu təşkil edirlər. Bu beynəlxalq turnirdə İran yığmasına Heşmətullah Şərifi başçılıq edir. Yarışlarda İran millisinin baş məşqçisi Nəsim Rəncbərdir.

İran millisinin baş məşqçisi Nəsim Rəncbər bu beynəlxalq yarışlarda iştirakda məqsədi, Monqolustanın Ulan-Bator şəhərində keçiriləcək Asiya yarışları ərəfəsində İranın azyaşlı və yeniyetmə idmançılarının hazırlıq səviyyəsini gücləndirmək adlandırıb.

İran yığmasını qeyd olunan yarışlarda İranın stolüstü tennis federasiyasının sədri Mehrdad Əli Qardaşi və bu federasiyanın sədr müavini Behnam Həbibzadə müşayiət edirlər. Bu beynəlxalq yarışlar bu gün axşam başa çatacaq.