İranlı qadın atlet adını tarixə yazdırdı
Daşkənddə keçirilən gənclər arasında ağır atletika üzrə dünya çempionatında Yekta Cəmali toplumda 208 kiloqram nəticə göstərərək, ağır atletikada iranlı qadınlar üçün ilk dünya medalını qazabnıb.
SəhərAzəri-nin məlumatına əsasən, 87 kq kateqoriyasında mübarizə aparan xanım Cəmali birdən və təkanla qaldırma hərəkətlərində və toplumda hər üç bürünc medalı qazana bilibdi.
Özbəkistandan olan Tursunoy Japarova iki hərəkətin cəmində 244 kiloqram nəticə ilə qızıl medal, ABŞ-dan olan Yelizavet Ovens isə 211 kiloqramla gömüş medalı qazanıb.
İran təmsilçisi birdən qaldırma hərəkətində 92 kiloqram, təkanla qaldırma hərəkətində 116 kiloqram qaldıraraq, toplumda 208 kiloqram nəticə ilə gənc atletlər arasında üçüncü pillədə qərarlaşıb.
Bu gözlənilməz medallar elə bir şəraitdə əldə edilib ki, İranda qadınların ağırlıq qaldırma idmanı ilə məğul olmasından və ilk rekordların qeydə alınmasından yalnız üç il keçir.
