Qırx birinci beynəlxalq Fəcr film festivalının bağlanış mərasimi bir qrup kino xadimi və media mənsublarının iştirakı ilə Tehrandakı «Milad» qülləsində keçirilib.

Məhəmməd-Əli Başe-Ahəngərin çəkdiyi «Metropol Kino-Teatrı» filmi ən yaxşı kinematoqraflıq, ən yaxşı rejissorluq və ən yaxşı film üzrə üç «Simorğ» mükafatına layiq görülüb.

«Qərib» filmi festivalda yerli xüsusi effektlər, milli baxımdan ən yaxşı film, qrim, səhnəquraşdırma və birinci qadın rolu bölmələrində «Simorğ» mükafatları almağa müvəffəq olub.

Müqavimət bölməsində isə rejissor Məhəmməd-Hüseyn Lətifinin «Qərib» filmi ən yaxşı film mükafatına layiq görülüb.

«Bavarde çiçəkləri», «Cənub Yadigarı», «Ağacın qoynunda» və «Kiçik palçıq otaq» filmlərinin hər biri,// iki «Simorğ» mükafatı əldə edibdir.