İranın armrestlinq üzrə qadınlardan ibarət yığma komandasının dörd üzvü bu idman növü üzrə Qazaxıstanın Almatı şəhərində keçirilən Asiya çempionatının ilk günündə medal sahibi olub.

SəhərAzəri-nin məlumatına əsasən, Məryəm Mehranfərd yetmiş kiloqram çəki dərəcəsində həm sağ, həm də sol əldə qızıl medal əldə edə bilib.

Mahrux Sadat Əhmədpənah da səksən kiloqram çəki dərəcəsində həm sağ, həm də sol əldə qızıl medal qazanmağı bacarıb.

Sonya Əmir Şəqaqi səksən kiloqramdan yuxarı çəki dərəcəsində sağ əldə gümüş medala nail olub. Röya Məhbudi isə bürünc medal alıb.

Həmçinin sol əldə Röya Məhbudi gümüş medala nail olub. Sonya Əmir Şəqaqi isə bürünc medal alıbdır.

İranın armrestlinq üzrə qadınlardan ibarət yığma komandası ilk dəfə olaraq, Asiya çempionatına göndərilib.