Yaponiya uğurla kosmosa bir casusluq peyki buraxıb.

Yaponiyanın Mitsubişi ağır sənaye şirkəti dünən özünün 46 saylı raketini Taneqasima kosmodromundan kosmosa göndərib. Sözügedən süni peyk uğurla raketdən ayrılıb.

“IGS-Radar-7” tipli bu kəşfiyyat peyki “Mitsubişi Elektrik” şirkəti tərəfindən inkişaf etdirilib. Peyk Yaponiyanın bu sahədə informasiyalar toplamaq barədəki proqramlarının bir hissəsidir.

Hal-hazırda Yaponiya orbitdə bir neçə radar və işıq kəşfiyyat peykinə malikdir.

Amerikanın regiondakı müttəfiqlərindən olan Yaponiya son vaxtlar öz hərbi büdcəsini artırmaqla yanaşı, İngiltərə ilə hərbi müqavilə imzalayıbdır.