Avropa Liqası çərçivəsində Qarabağ-Braqa oyunu
“Qarabağ” 1/8 final mərhələsinə vəsiqə qazanıb
Azərbaycan çempionu iki oyunun nəticəsinə görə “Braqa” futbol komandasını üstələyib və ilk dəfə Avropa Liqasının 1/8 final mərhələsinə vəsiqə qazanıb.
Bu məlumata əsasən, “Qarabağ” klubu fevralın 22-də UEFA Avropa Liqasının pley-off mərhələsində cavab oyununa çıxıb.
İlk matçda rəqibini 4:2 hesabı ilə məğlub edən “Qarabağ” “Braqa” ilə Tofiq Bəhramov adına Respublika stadionunda üz-üzə gəlib.
Bolqarıstandan olan hakimlər briqadasının idarə etdiyi oyunda “Qarabağ” 2:3 hesabı ilə uduzub. Amma iki görüşün nəticəsinə əsasən mərhələni keçən tərəf Azərbaycan çempionu olub.
Beləliklə də “Qarabağ” iki oyunun nəticəsinə əsasən Portuqaliya təmsilçisini üstələməklə Azərbaycan futbolu və öz tarixində ilk dəfə Avropa Liqasının 1/8 final mərhələsinə vəsiqə qazanıb.
