Fələstinli bir uşaq sionist rejim hərbçiləri tərəfindən şəhid edilib
Qəzzə zolağının şərqində sionist rejim hərbçilərinin atəşaçması nəticəsində yaralanmış fələstinli bir uşaq bir həftədən sonra aldığı yaralardan şəhid olub.
SəhərAzəri-nin verdiyi məlumata görə, keçən həftə Qəzzə zolağının şərqində keçirilən aksiyalar zamanı sionist rejim hərbçilərinin atəşaçması nəticəsində ağır yaralanmış "Ömər Həsən Əbu Əl-Nil" adlı fələstinli uşaq şəhid olub.
Həmçinin, Qəzzə zolağının şərqində son "Qayıdış Haqqı" yürüşləri zamanı sionist hərbçilər tərəfindən güllə yarası almış 32 yaşlı "Usamə Xalid Ədii" bir neçə gün əzab-əziyyətdən sonra ötən çərşənbə axşamı, şəhid olub.
Sionist rejim hərbçilərinin düşmənçilik hərəkətləri elə bir haldadır ki, bundan əvvəl Fələstinin müqavimət qrupları sionistlərə Qüdsdə və İordan çayının qərb sahilində fələstinlilərə qarşı istənilən təcavüzkar hərəkət barədə xəbərdarlıq ediblər.
