Livan Hizbullah Hərəkatının baş katibinin müavini Şeyx Nəim Qasim Qəzzə müharibəsinin yayılmasını istisna etməyib.

O, İsrail-Livan arasındakı sərhəddə vəziyyətin gərginləşməsi fonunda “total müharibənin” mümkünlüyünə dair sualın cavabında deyib ki, bu, Qəzzədəki müharibənin gedişatı və İsrailin bu ümumi müharibəni başlatmaq qərarından asılıdır.

Hərəkat rəsmisi qeyd edib ki, Hizbullahın İsrailin hücumuna nə cür cavab verəcəyi və onun qarşısını nə cür alacağı ilə bağlı planı var.

“Əgər bizə hücum etsələr, müdafiə olunmalı olacağıq və biz bütün qüvvəmizi hərəkətə gətirəcəyik”, – deyə o əlavə edib.