SAHAR

İran İslam İnqilabının Aliməqamlı Rəhbəri ibranicə tvitində xunta İsrail rejiminin Qəzzədə törətdiyi vəhşiliklərinə münasibət bildirib.

İRNA-nın məlumatına görə, çərşənbə günü, 10 yanvarda Khamenei.ir-ın X (keçmiş Twitter) sosial şəbəkəsindəki istifadəçi hesabında İslam İnqilabının Ali Rəhbəri Həzrət Ayətullahül-üzma Xameneinin ibrani dilində yeni fikirləri dərc edilib.

Müəzzəm Rəhbərin tvitində deyilir: “Sionist rejimin cinayətləri unudulmayacaq, bu rejim məhv olduqdan və yer üzündən silindikdən sonra da bu cinayətlər və minlərlə uşaq və qadının qətliam edilməsi kitablara yazılacaq.”

Əl-Əqsa Tufanı əməliyyatının başlamasından bəri bu, dördüncü dəfədir ki, khamenei.ir saytı İslam İnqilabının Ali Rəhbərinin cümləsini ibranicə dərc edir.