SAHAR

Çərşənbə günü 1442-ci hicri qəməri ili zihəccə ayının 10-u və 2021-ci milad ili iyulun 21-i, müsəlmanların böyük bayramlarından olan səadətli Qurban bayramı və ya Əzha bayramıdır.

SəhərAzəri - Səadətli Qurban bayramında Allah Evini ziyarət etməyə getmiş hacılar Allah-Taalanın göstərişi ilə və onun razılığı üçün qurban kəsərək, böyük ilahi peyğəmbər, Həzrət İbrahim(ə)-ın xatirəsini yaşadır və əziz tuturlar.Qeyd edək ki bu il Həcc mərasimi KORONAVİRUS pandemiyası üzündən çox məhdud şəkidə və özəl protokollara riayətlə keçirildi.Allah-Taala imanı və sədaqətini sınamaq üçün Həzrət İbrahimə (ə) tapşırıq verir ki, oğlu Həzrət İsmaili (ə) Allahın yolunda qurban etsin. Həzrət İbrahim (ə) bu işin çətinliyinə rəğmən, ilahi fərmana boyun əyir və bu tapşırığı yerinə yetirməyə hazırlaşır, amma hər nə qədər səy edirsə, bıçaq oğlu Həzrət İsmailin (ə) boğazını kəsmir. Bu zaman Həzrət İbrahimə(ə) xitab olunur ki, ilahi imtahandan başıuca çıxdın. Elə bu anda bir qoyun göndərilir ki, o, bu qoyunu Həzrət İsmailin (ə) yerinə qurbanlıq etsin.Bu ibrətamiz macəra fədakarlıq dərsi, nəfs üzərində qələbə və Allahın fərmanı qarşısında təslim olmaq deməkdir. Buna görə, dünya müsəlmanları da zihəccənin onunu böyük və əzəmətli islami bir bayram kimi əziz tutur və ondan sədaqətlilik və bəndəlik dərsini öyrənirlər.SəhərAzəri Telekanalı səadətli Qurban bayramının gəlib çatması münasibətilə bütün dünya müsəlmanlarını təbrik edir.