SAHAR

Sionist hərbçilər qərb sahilində və Beytulmuqəddəsin şərqində 15 fələstinlini həbs ediblər.

Press TV-nin məlumatına görə, sionist hərbçilər ötən iki sutka ərzində qərb sahilində yerləşən Beyt-Ləhm, Nablus, Cəbəə və Cinin şəhərlərində fələstinlilərin mənzillərinə basqın edərək, 15 fələstinlini həbs edib və naməlum məkana köçürüblər.
Fələstinli Əsirlər üzrə Araşdırma Mərkəzinin bildirdiyinə görə, cari ilin əvvəlindən sionist başçılar fələstinlilər üçün 300-dən çox özbaşına həbs hökmü veriblər ki, ötən ilin müvafiq dövrü ilə müqayisədə altı dəfə artıbdır.
Fələstinli Əsirlər və Azadələrin İşləri üzrə Mərkəzin bildirdiyinə görə, hazırda İsrail məhbəslərində 6500 fələstinli əsir saxlanılır ki, onların arasında 480 idarə həbsi məhbusu mövcuddur.