SAHAR

Bəhreyndə müxtəlif xalq qrupları tanınmış ruhani şeyx İsa Qasımın mənzili önündə bir araya gələrək, İngiltərənin Ali-Xəlifə rejiminə olan dəstəyini tənqid atəşinə tutublar.

Əlaləm kanalının verdiyi məlumata görə, bəhreynlilərin paytaxt Manamanın qərbində, ayətullah şeyx İsa Qasımın mənzili önündəki aksiyası hələ də davam edir. Artıq 172 gündür ki, xalq şeyx İsa Qasımın mənzili önündə keşik çəkərək, şeyx  və digər müxalifət liderləri barədə çıxarılan ədalətsiz məhkəmə qərarlarına öz etirazını nümayiş etdirir. 

Aksiya iştirakçılarının əllərində üzərinə İngiltərənin Ali-Xəlifə rejimini himayə etməsinə qarşı şüarlar yazılmış plakatlar da olub. Onlar şeyx İsa Qasım barəsində çıxarılmış ədalətsiz qərarın ləğv ediləcəyi zamana kimi şeyxin mənzili önündəki aksiyanı davam etdirəcəklərini bildiriblər. 

Bəhreynin digər məntəqələri də həbsdə olan ruhanilər və müxalifət liderlərinə dəstək aksiyalarının şahidi olub.