Rəfəhdə üç fələstinli şəhid olub
-
Rəfəhdə üç fələstinli şəhid olub
Misir ordusunun sərhəd Rəfəh şəhərindəki ticarət tunellərindən birini partlatması nəticəsində üç fələstinli şəhid olub, beş nəfər də yaralanıbdır.
Fələstin informasiya mərkəzinin məlumatına görə, Fələstin Daxili İşlər Nazirliyi bu gün bildirib ki, dünən- cümə günü gecə Qəzzə ilə sərhəddə yerləşən bir ticarət tunelində baş verən partlayış nəticəsində şəhid olmuş üç fələstinli gəncin cənazəsi xəstəxanaya köçürülüb.
Misir ordusu cümə günü gecə fələstinli fəhlələrin bu tuneli bərpa etmək istədikləri zaman onu partladıbdır. Bu da həmin üç fələstinli gəncin şəhid olmasından əlavə, beş nəfərin də təhlükəli qazlarla tənəffüs nəticəsində boğuntu halına düşərək, xəstəxanaya köçürülməsinə bais olubdur.
Qəzzə zolağının hərtərəfli mühasirəsindən təqribən on il ötür və fələstinlilər tunellər inşa edərək, dərman və ərzaq kimi zəruri ehtiyaclarını Qəzzəyə köçürürlər.
Belə bir halda, Misir Qəzzə sərhədində bir məntəqə yaradaraq, yeraltı tunelləri aşkarlayıb və məhv edibdir.
