İraqın könüllü xalq qüvvələri Əl-Qaim şəhərinin cənub istiqamətində yerləşən ərazilərdən 9 kilometrini azad ediblər.

İraqın dövlət xəbər agentliyi bildirir ki, könüllü xalq qüvvələri Həşdüşşəbi yaydığı bəyanatda bu barədə məlumat verib. Bəyanatda deyilir: Könüllü xalq qüvvələrinin 46-cı batalyonu qərb istiqamətindən Əl-Qaim şəhərinə doğru irəliləyir və indiyə kimi terrorçulara ağır zərbələr endirməyə nail olub. 

İraq mənbələri həmçinin bildirirlər ki, Həşdüşşəbi və təhlükəsizlik qüvvələri Əl-Qaim şəhərinin mərkəzindən 5 km aralıda yerləşiblər. Bu qüvvələr şəhərin mərkəzinə ediləcək hücuma hazırlaşırlar. 

İraq ordusunun hava qüvvələri də öz hücumlarında onlarla terrorçunu öldürüblər. Həmçinin, terrorçulara məxsus 8 mərkəz bu hava hücumlarında dağıdılıb.