İŞİD terrorçuları Suriyanın müttəfiqləri tərəfindən hədəfə alınıb
-
İŞİD terrorçuları Suriyanın müttəfiqləri tərəfindən hədəfə alınıb
Suriya müttəfiqlərinin Pilotsuz Uçan Aparatları(PUA) Deyrozzur vilayətinin cənubunda Əl-Bukəmal şəhəri yaxınlığında İŞİD terrorçularını hədəfə alıb.
İRİB-in verdiyi məlumata görə, Livanın Əl-Məyadin telekanalı bildirib ki, Suriyanın müttəfiqlərinin əməliyyat otağının PUA-lar bölməsi Vəlfəcr-3 əməliyyatı çərçivəsində Əl-Bukəmal yaxınlığında İŞİD terrorçularını hədəfə alıb.
Eyni zamanda Suriya ordusu və onun müttəfiqləri Deyrozzur idman kompleksini tamamiylə azad ediblər və Əl-Həmidiyyə və Əl-Cibilə məhəllələrinə doğru irəliləyirlər.
Suriya ordusunun bir hərbçisi deyib: Bu əməliyyatda Suriya ordusu qüvvələri hava və artileriya dəstəyindən faydalanırdılar və birinin çəkisi on tondan çox olan bir neçə quraşdırılmış bombaları zərərsizləşdirə biliblər.
Bu hərbi qaynaq deyib: Deyrozzur şəhərinin şimal istiqamətində bəzri bölgələrdə əməliyyatlar davam edir.
Suriya ordusu 16 sentyabrda Deyrozzurun cənubunda İraq ilə həmsərhəd bölgələrin terrorçulardan təmizlənilməsi əməliyyatına başlamışdır.
