Qətər əmiri ölkəsinin ABŞ-ın öz səfirliyini Təl-Əvivdən Qüdsə köçürmək qərarını rədd etdiyini bildirib.

İRİB-nin verdiyi məlumata görə, Şeyx Təmim bin Həməd Ali-Sani çərşənbə axşamı Fələstin Muxtariyyatının başçısı Mahmud Abbasın xüsusi nümayəndəsini Dohada qəbul edib. 

Qətər əmiri bu görüşdə deyib: Qətər Qüdsü İsrailin paytaxtı olaraq tanımaq istqiamətində olan istənilən hərəkətə qarşıdır. 

Şeyx Təmim bin Həməd Ali Sani həmçinin, Beytül-Müqəddəsin ərəblər, müsəlmanlar və dünya üçün nə dərəcədə böyük əhəmiyyət kəsb etdiyini də vurğulayıb.