Fələstin Xalq Müqavimət Komitələrinin Xan Yunus əməliyyatına reaksiyası
Fələstin Xalq Müqavimət Komitələri Qəzzə zolağının şərqində yerləşən Xan Yunusdakı qəhrəmancasına əməliyyatı İsrail rejiminin Qəzzənin şərq sərhədlərinə təcavüzünə reaksiya adlandırıblar.
Fələstin İnformasiya Mərkəzinin verdiyi məlumata görə, Fələstin Xalq Müqavimət Komitələri şənbə günü bir bəyanat yayaraq, Xan Yunus əməliyyatını sionistlərin təcavüzlərinə reaksiya adlandıraraq, bu əməliyyatın müqavimətin fələstinliləri müdafiəyə hazır olmasının nişanəsi hesab ediblər.
Bu bəyanatda həmçinin deyilir: İsrail rejiminin Qəzzə zolağına qarşı istənilən düşünülməmiş hərəkəti sionist rejimin öz zərərinə olacaq. Və müqavimət buna susmayacaq, sionist rejimə reaksiya göstərmək və onu öz cinayətlərində əl çəkməyə məcbur etmək istiqamətində lazım olan tədbirləri görəcək.
Şənbə günü Xan Yunusun şərqində baş verən partlayışda bir sionist hərbçi ölüb, daha 3 hərbçi də yaralanıb. Yaralılardan birinin vəziyyətinin ağır olduğu bildirilir.
Sionist rejim qırıcıları isə bu hadisənin ardınca Qəzzə zolağında bəzi məkanları bombalayıblar.
Həmas-ın hərbi qolu olan İzzəddin Qəssam batalyonları İsrail qırıcılarının Qəzzəyə olan hücumlarına qarşılıq verdiyini bildirib.
