Sionistlərin Qəzzəyə qarşı hücumlarında bir fələstinli ailənin 6 üzvü şəhid olub
-
Sionistlərin Qəzzəyə qarşı hücumlarında bir fələstinli ailənin 6 üzvü şəhid olub
Sionist rejimin cümə axşamı günü səhər Qəzzə zolağının mərkəzində yerləşən Dəyrulbələh bölgəsinə qarşı hücumlarında bir fələstinli ailənin 6 üzvü şəhid olub.
IRNA-nın məlumatına görə, bu hücumlarda 12 nəfər də yaralanıbdır.
Sionist rejim çərşənbə axşamı günü səhərdən Qəzzə zolağına qarşı hücumlarının yeni mərhələsinə başlayıbdır.
Bu hücumlarda indiyədək azı 32 fələstinli, o cümlədən Fələstin İslami Cihad hərəkatının hərbi qolu olan Quds batalyonlarının yüksək səviyyəli üzvü Bəha Əbu əl-Əta şəhid olub, yüz fələstinli də yaralanıbdır.
İndiyə kimi bir çox ölkə və beynəlxalq təşkilat bu hücumları pisləyibdir.
BMT-nin baş katibi Antonio Quterres çərşənbə günü gecə sionist rejimi Fələstin xalqına qarşı insan haqlarının pozulmasına son qoymağa çağırıb.
Qəzzə zolağı 2006-cı ildən bəri sionist rejimin quru, hava və dəniz mühasirəsi altındadır və bu zolağın sakinləri bir çox problemlə üzləşirlər.
Sionist rejimin Qəzzə zolağına qarşı hücumlarında minlərlə fələstinli şəhid olub və yaralanıbdır.
