Yəmənlilərin Qəzzə əhalisinə dəstək istiqamətindəki geniş yürüşləri davam edir
Yəmənlilərin Qəzzə əhalisinə dəstək istiqamətindəki geniş yürüşləri bu ölkənin müxtəlif əyalətlərində keçirilib.
Yəmən xalqı dünən sionist rejimin Qəzzə zolağı əleyhinə hücumlarına qarşı çıxmaq, həmçinin bu rejimin işğal olunmuş Fələstində mülkilərə qarşı törətdiyi qırğınları pisləmək istiqamətində Yəmənin Səədə, Əmran, İbb, Rimə, Əl-Zalə və Əl-Cuf kimi müxtəlif əyalətlərində küçələrə çıxıb.
Əllərində Yəmən və Fələstin bayraqları, eləcə də üzərlərində Amerikanın siyasətlərinə qarşı şüarlar yazılmış plakatlar tutan yəmənlilər işğalçı sionist rejimin dünya xalqlarının gözləri önündə Qəzzədə törətdiyi cinayətlərə və etdiyi hərəkətlərə qarşı şüarlar veriblər. Onlar ərəb ölkələri başçılarının əlbirliyi və qəflətə qapılmalarını pisləyiblər.
Livan və İraq İslam Müqavimətlərinin, eləcə də Yəmən silahlı qüvvələrinin İraq İslam Müqaviməti ilə sionist düşmənə qarşı birgə əməliyyatlarını himayə edən aksiyaçılar, qəddarcasına mühakimələr, repressiv hərəkətlər və mediaların senzuraları ilə üzləşən Amerika və Avropa universitetlərində başlanan tələbə hərəkatlarını yüksək qiymətləndiriblər.
