SAHAR

Sionist rejim hərbçiləri İordan çayının qərb sahilində 26 fələstinlini həbs ediblər.

Səhər Beynəlxalq Televiziyasının İordaniyanın Petra rəsmi informasiya agentliyinə istinadla verdiyi məlumata görə, Fələstin Əsirlər Klubu bir bəyanatda bildirib: Sionist hərbçilər əl-Xəlil, Nablos, Cenin, Qilqiliyə və Beyt-Ləhm şəhərlərinə basqın edərək 26 fələstinlini həbs ediblər.
İşğal olunmuş ərazilərdə Qüds İntifazəsinin başlanması ilə sionist hərbçilər hər gün əsassız bəhanələrlə İordan çayının qərb sahilinin müxtəlif bölgələrinə basqın və onlarla fələstinlini həbs edirlər.
İordan çayının qərb sahilinin müxtəlif bölgələri və işğal olunmuş Qüds oktyabr ayının əvvəlindən Qüds İntifazəsi çərçivəsində fələstinli gənclərin İsrail rejimi hərbçiləri ilə toqquşmalarının şahididir. İndiyə qədər yüzdən çox fələstinli sionist hərbçilərin atəşi nəticəsində şəhid olmuşdur.