SAHAR

Bəhreynin təhlükəsizlik qüvvələri Sitrə adasında aksiya iştirakçılarına hücum ediblər.

İraqın Bərasa informasiya agentliyinin verdiyi məlumata görə, onlarla inqilabçı gənc Bəhreynin Sitrə adasında bu gün, cümə Ali-Xəlifə rejiminin repressiyalarına etiraz olaraq aksiya keçirib və adanın mərkəzində yerləşən Ali-Xəlifə qüvvələri ilə toqquşublar.
Ali-Xəlifə rejiminə bağlı qüvvələr aksiya iştirakçılarını dağılışmağa məcbur etmək üçün gözyaşardıcı qazlardan istifadə ediblər. Təhlükəsizlik qüvvələrinin aksiya iştirakçılarına qarşı istifadə etdiyi gözyaşardıcı qaz o qədər çox olub ki, məntəqənin üzərində iri duman yaranıb.
Sitrə adası ötən 4 ildə Ali-Xəlifə rejiminə qarşı ən çox etirazların şahidi olub və Bəhreyndə xalq etirazlarında ən çox insan itkisi də elə bu adaya aiddir.