SAHAR

Türkiyədə Cümhuriyyət Xalq Partiyasının sədri müxaliflərə və hökumətin tənqidçilərinə qarşı təzyiqlərin güclənməsi barədə xəbərdarlıq edib

Hürriyyət qəzetinin verdiyi məlumata görə, Kamal Qılıçdaroğlu dünən CHP-nin Ankarada keçirilən toplantısında iqtidarın müxaliflərə qarşı təzyiqlərinin güclənməsinə dair xəbərdarlıq edərək xalqın bu kimi qeyri-qanuni hərəkətlərə qarşı dirəniş göstərməsini istəyib. 

Qılıçdaroğlu həmçinin Xalqların Demokratik Partiyasının (HDP) rəhbərləri və bəzi üzvlərinin həbsini qeyri-demokratik hərəkət adlandırıb. 

CHP-nin rəhbəri hakim Ədalət və İnkişaf Partiyasının bəzi üzvlərinin Fətullah Gülənin başçılıq etdiyi Hizmət hərəkatına dəstək vermələrinə toxunaraq deyib: Onların da məhkəmə toxunulmazlığı ləğv edilməlidir. 

Türkiyə polisi cümə günü səhər çağı ölkənin 5 şəhərində keçirdiyi əməliyyat nəticəsində HDP-nin rəhbərlərindən iki nəfərini və bu partiyanın parlamentdəki bəzi üzvlərini həbs etdi. Həbs edilənlər PKK-ya dəstək verməkdə ittiham olunurlar.