SAHAR

Ənsarullah qüvvələri Ərəbistan ərazisində irəliləyə və bir kəndin nəzarətini ələ keçirə biliblər.

Yəməndə atəşkəsin bərqərar olunması ərəfəsində, Elam əl-Hərbi xəbər portalı kadrlar yayımlayaraq bildirib ki, Ənsarullah qüvvələri Ərəbistan ərazisində irəliləyə və Cizan məntəqəsində Dəfinə kəndini və hərbi bazalarına nəzarəti ələ keçirə biliblər. Ənsarullah Hərəkatı qüvvələri həmçinin səudiyyəli muzdluların Yəmənin şimal-qərbindəki Midi səhrasına doğru irəliləyiş cəhdinin qarşısını alıb və onları hücumunu dəf edib. 

Yəmən ordusu və Ənsarullah qüvvələri Midi səhrasında səudiyyəli muzdluları mühasirəyə alaraq atəşə tutublar. 

Əl-Məsirə televiziyası da kadrlar yayımlayaraq bildirib ki, səudiyyəli muzdlular bu bölgədə hərbi təchizatlar, o cümlədən tankları ataraq ərazidən qaçıblar. 

Məlumata görə, bu hücumda Yəmənin istefa vermiş prezidenti Əbd Rəbbə Mənsur Hadiyə bağlı 50-dən çox ünsür öldürülüb və onlarla nəfər yaralanıb. 

Səudiyyə Ərəbistanının Yəmənə hərbi təcavüzündən təxminən 600 gün keçir və indiyə qədər əksəriyyətini sivillər təşkil edən on mindən çox yəmənli bu hücumlar nəticəsində həlak olmuşdur. 

Ərəbistanın hücumlarında Yəmənin əksər infrastrukturu məhv olmuş və bu hücumlardan canlarını qurtaran yəmənlilər acınacaqlı şəraitdədir.

Ərəbistanın Yəmənə hərbi təcavüzünün ən çox zərərçəkən tərəfi uşaq və qadınlardır.