SAHAR

Türkiyə baş naziri İraqın yüksək səviyyəli rəsmiləri ilə görüşərək danışıqlar aparmaq üçün yüksək səviyyəli siyasi və iqtisadi heyətin müşayiəti ilə bu ölkə paytaxtı Bağdada daxil olub.

İRNA-nın məlumatına görə, Türkiyə baş naziri Binəli Yıldırım Bağdada rəsmi səfərində İraq prezidenti Fuad Məsum, baş nazir Heydər əl-İbadi və parlament sədri Səlim əl-Cəburi ilə görüşərək iki tərəfi maraqlandıran məsələlər barədə danışıqlar və fikir mübadiləsi aparacaq.

Bu, ötən iki il ərzində Türkiyənin yüksək səviyyəli rəsmisinin İraqa ilk səfəridir.

Bağdad-Ankara əlaqələri Türkiyə hərbçilərinin Neynəva vilayətinin mərkəzi olan Mosuluşun şimalında Bəşiqədə yerləşdirilməsindən sonra ötən bir il yarım ərzində zəifləmişdir.